ᑐᖕᖓᓱᒋᑦ ᐅᐃᒍᐃᑎᑐᑦ ᐃᒻᒥᓂᒃ-ᐱᓇᓱᐊᕐᓂᒧᑦ
ᑖᓐᓇ ᖃᕆᑕᐅᔭᒃᑯᑦ ᐃᒻᒥᓂᒃ ᐱᓇᓱᐊᕐᓂᒧᑦ ᓴᓇᕐᕈᑎᒃ ᐃᓄᒻᒪᕆᓐᓄᑦ ᑐᕌᖓᕗᖅ ᐅᐃᒍᐃᑎᑐᑦ ᐅᖃᐅᓯᖃᕐᖄᓯᒪᖏᑦᑐᓄᑦ ᑐᕌᖓᑦᓱᓂ. ᐃᓕᓐᓂᒃ ᐱᕕᑦᓴᑖᕐᑎᑦᓯᒐᔭᕐᑐᖅ ᐅᐃᒍᐃᑎᑐᑦ ᐃᓕᓴᕕᑦᓴᖃᕐᑎᑦᓯᓂᕐᒥᒃ ᐊᒻᒪᓗ ᑕᓯᐅᕐᓯᒍᓐᓇᓱᓂ ᓂᕈᐊᕈᓐᓇᑎᑦᓯᓂᕐᒥᒃ ᐃᓕᓴᕕᑦᓴᖃᕐᑎᑦᓯᓂᕐᒥᒃ ᐱᒍᑦᔨᓂᕐᒥᒃ. ᑕᒡᒐᓂ ᐱᕕᑦᓴᖃᕐᑎᑦᓯᕗᖅ ᐆᑦᑐᕋᕐᓂᒥᒃ ᑐᖕᖓᕕᖃᕐᓂᒧᑦ, ᐊᑭᖃᖏᑦᑐᒥᒃ ᐅᐃᒍᐃᑎᑐᑦ ᐱᔭᕆᐅᕐᓴᓂᕐᒥᒃ ᑯᐯᒻᒥ. ᑕᒪᓐᓇ ᑐᖕᖓᕕᖃᕐᐳᖅ ᐃᒣᑦᑐᒥᒃ Échelle québécoise des niveaux de compétence en français (ᑯᐯᒻᒥ ᑐᕌᖓᔪᒥᒃ ᐅᐃᒍᐃᑎᑐᑦ ᐱᔭᕆᐅᕐᓴᓂᕐᒥᒃ ᑐᕌᖓᔪᒥᒃ-ᐅᐃᒍᐃᑎᑐᑦ ᑭᓯᐊᓂ). ᑖᒃᑯᐊᓕ ᖃᓄᐃᓕᖓᓂᖏᓐᓂᒃ ᓇᓗᓀᕐᓯᒍᑕᐅᖕᖏᓚᑦ ᑲᓇᑕᒧᑦ ᓄᓇᑖᕋᓱᐊᕐᑐᓄᑦ ᑕᑕᕐᓴᑕᐅᒋᐊᓖᑦ ᐅᕝᕙᓗ ᑕᑕᕐᓴᑕᐅᒋᐊᓖᑦ ᐃᓕᓴᕐᓂᒨᓕᖓᔪᓄᑦ ᐃᓕᓴᕕᐅᔪᓄᑦ ᑐᕌᖓᓚᖓᑎᓪᓗᒋᑦ.
ᐃᒻᒥᓂᒃ-ᐱᓇᓱᐊᕐᓂᒧᑦ ᑕᒡᒍᖕᖓᖔᕐᓗᑎᑦ
ᐃᓚᖏᑦ ᖃᐅᔨᒪᐅᑎᒃᓭᑦ ᐃᒻᒥᓂᒃ-ᐱᓇᓱᐊᕐᓂᒧᑦ ᑐᕌᖓᔪᐃᑦ
- ᐃᒻᒥᓂᒃ ᓇᓗᓀᕇᕈᕕᑦ, ᐊᐱᕆᔭᐅᒐᔭᕐᐳᑎᑦ ᐃᓕᓐᓂᒃ ᖃᐅᔨᒪᔭᐅᒍᑎᒃᓴᓄᑦ ᑐᕌᖓᔪᓂᒃ. ᑕᒪᓐᓇ ᐊᑑᑎᔭᐅᒐᔭᕐᑐᖅ ᐊᓪᓚᓯᒪᔪᖁᑎᑎᑦ ᐱᑦᔪᑎᒋᑐᐃᓐᓇᓗᒋᑦ. ᐊᓯᓐᓅᕕᓪᓗ ᓄᐃᑎᑕᐅᒐᔭᖏᑦᑐᐃᑦ.
- ᑕᒪᑦᓱᒪ ᐃᒻᒥᓂᒃ-ᐱᓇᓱᐊᕐᓂᐅᑉ ᐊᑐᓂᑦ ᓯᕕᑐᓂᖏᑦ ᐊᑦᔨᒌᒐᔭᖏᑦᑐᐃᑦ ᓇᓃᓐᓂᓂᐅᕕᑦ ᑐᖕᖓᕕᖃᕐᓗᓂ ᐱᔪᓐᓇᑦᓯᐊᕐᓂᕆᔦᑦ ᐅᐃᒍᐃᑎᑐᑦ ᒪᓕᓪᓗᒍ. ᐊᑐᓂᑦ ᐃᒻᒥᓂᒃ-ᐱᓇᓱᐊᕐᓃᑦ ᐃᓗᓕᖃᕋᔭᐳᑦ 18-ᒥᑦ 22-ᒧᑦ ᐊᐱᕐᓲᑎᓂᒃ ᐊᒻᒪ 30-ᒥᑦ 55-ᒧᑦ ᑎᑦᑖᐱᓐᓂᒃ ᐱᓇᓱᐊᕋᔭᖕᖑᐊᑕᑎ ᐱᔭᕇᕋᓱᐊᕐᓗᒋᑦ.
- ᐃᓱᐊᓂ, ᐃᒻᒥᓂᒃ-ᐱᓇᓱᐊᕐᓂᕐᒧᑦ ᓴᓇᕐᕈᑏᑦ ᑕᒐᑦᓴᐅᑎᒋᒃᑯᑦ ᓇᓃᓐᓂᓂᐅᕕᑦ ᓄᐃᑎᑦᓯᑦᓴᐅᑎᒋᒐᔭᕐᓱᑎᒃ, ᑕᒡᒎᓇ ᖃᕆᑕᐅᔭᒃᑯᑦ ᐊᑐᕐᑕᕕᑦ ᓄᐃᑕᕕᖓᑦᑎᒍᑦ. ᖃᕆᑕᐅᔭᒃᑯᑦ ᓄᐃᑎᒍᓐᓇᐸᑎᑦ ᐅᕝᕙᓗ ᐊᒥᓱᓕᐅᕈᑎᒃᑯᑦ ᓄᐃᑎᓪᓗᒋᑦ ᖃᐅᔨᒪᐅᑎᒋᒐᔭᕋᕕᒃᑭᑦ. ᑖᒃᑯᐊᓗ ᐊᓯᓐᓅᕕᑦ ᑕᑯᑦᓴᐅᒐᔭᖏᑦᑐᑦ ᓄᐃᑕᒐᔭᕋᑎᓪᓗ.
- ᑕᒡᒐᖕᖓᑦ ᓅᒋᐊᓚᐅᕐᓇᒃ, ᑭᐅᒋᐊᓖᑦ ᐱᔭᕇᑦᓯᐊᕋᔭᕐᐸᑎᑦ ᐊᐱᕐᓲᑏᑦ ᖃᐅᔨᓴᐅᑏᑦ.
- ᐱᔭᕇᕈᕕᒃᑭᑦ ᐊᓯᖏᑦ ᐃᒻᒥᓂᒃ-ᐱᓇᓱᐊᕈᑏᑦ, ᑕᒡᒍᖓ ᐅᑎᕋᔭᕐᒥᒐᕕᑦ ᒪᑉᐱᒐᕐᒧᑦ.